Амралтынхаа өдрөөр хайртай дотны хүмүүстээ ямар хоол хийж өгөхөө мэдэхгүй сууж байна уу? Тэгвэл уншигч эзэгтэй нартаа зориулж гайхалтай амттай үхрийн махан Рагу хийх жор хийх жорыг хүргэж байна.

Орц:  Үрхийн мах: 300 гр
Цагаан сонгино - 200 гр
Үхрийн яс: Шөл гаргах хэмжээнд
Шар лууван - 200 гр
Манжин - 130 гр
Төмс - 70 гр
Улаан Лоолийн нухаш - 10 гр
Хуурай гурил
Давс - хүссэн хэмжээгээр
Ургамлын тос
Хийх дараалал:
Эхлээд үхрийн ясаа буцалган шөл гаргана. Үхрийн махаа том ширхэгтэйгээр зүсч бэлтгэнэ. Дараа нь хоолны саваа тосолж халаагаад дээр нь үхрийн махаа давсаар амтлан шарна. Шарсан махан дээрээ үхрийн ясны шөлөө нэмээд зөөлөн галаар 30 гаруй минут, жигнэнэ. Жигнэх явцдаа сонгино, шар лууван, манжин зэргээ хуурч шөлөндөө хийгээрэй. Эцэст нь болохоос5 минутын өмнө лоолийн нухаш нэмнэ.

Ингэх зуур гурил зуурч гоймон бэлтгэх хэрэгтэй. Хийхдээ энгийн гурил зуурах аргаар бэлтгэх бөгөөд гурилаа элдэж хэрчихдээ харин аль болох бүдүүн ширхэгтэйгээр хэрчинэ. Бэлэн болсон гурилаа өөр саванд хийж чанаад Рагугаа гаргахын өмнө нийлүүлж холино.

Хачирны хувьд шарсан төмс хамгийн тохиромжтой. Төмсөө урт боловч нимгэнээр зүсч бэлдээд борлотол нь шарахад л хангалттай.

Ингээд таны амтат үхрийн махан Рагу бэлэн боллоо.