Монгол Улсын Их Хурлаас 2017 онд Дотоодын цэргийн тухай хуулийг шинээр батлаж, мөн оны 09 дүгээр сарын 01-ний өдрөөс хүчин төгөлдөр мөрдөж эхлээд байгаа билээ.

Хуулийн хэрэгжилтийг хангахаар иргэдийг Монгол Улсын Үндсэн хуулиар хүлээсэн иргэний үүргээ биелүүлэх нөхцлийг бүрдүүлэх зорилгоор 2020 оны нэгдүгээр ээлжээр Дотоодын цэргийн байгууллагад хугацаат цэргийн алба хаагчийг татаж, алба хаалгуулахаар бэлтгэл ажлыг хангаж өнгөрсөн оны 06 дугаар сараас 12 дугаар сарын хооронд Дотоодын цэргийн 05 дугаар ангийн байрлалд хугацаат цэргийн алба хаагч хүлээн авах цэргийн байрыг барьж, бүрэн ашиглалтад оруулж, бусад шаардлагатай техник, тавилга хэрэгсэл, зүйлсийг бэлтгэж, бэлтгэл ажлын гүйцэтгэл 80 хувьтай байна.