Сүхбаатар дүүргийн 12 дугаар хорооны нутаг дэвсгэр Хангайн 16-639 тоотод байрлах “Тамир” хүнсний 8 нэрийн дэлгүүрт 2020 оны 02 дугаар сарын 19-ний өдөр 12 цагт хар өнгийн маск, ороолтоор нүүрээ халхалсан 25-30 орчим насны эрэгтэй хүн орж худалдагч эмэгтэйн хоолойд хутга тулган 500.000 төгрөг, 200.000 төгрөгний цэнэглэгч карт, 2 блок парлиамент тамхи дээрэмдсэн хэргийг Хөвсгөл аймгийн Харъяат Ж гэгч үйлдсэнийг Нийслэлийн цагдаагийн удирдах газрын Мөрдөн шалгах газрын Хүнд гэмт хэрэгтэй тэмцэх хэлтэс, Сүхбаатар дүүрэг цагдаагийн газрын хоёрдугаар хэлтсийн алба хаагчидтай хамтран илрүүлжээ.

Сэжигтэй этгээдийн орогнож байсан Баянгол дүүргийн 7 дугаар хорооны нутаг дэвсгэрт үйл ажиллагаа явуулдаг “Game box” интернэт тоглоомын газар мөрдөн шалгах ажиллагааны явцад Нийслэлийн засаг даргын №А/108 тоот тушаалын хэрэгжилтийг хангаагүй иргэдэд үйлчилж ба Баянгол дүүргийн цагдаагийн газрын хоёрдугаар хэлтэст зөрчлийн хэрэг нээн шалгаж байна.

СЭРЭМЖЛҮҮЛЭГ: Иймд иргэд, аж ахуй нэгж байгууллагууд Нийслэлийн засаг даргын гаргасан албан даалгавар, захирамжийг биелүүлэн ажиллахыг анхааруулж байна.