Нийслэлийн Цагдаагийн Удирдах газраас шинэ төрлийн амьсгалын замын халдварт коронавирусын халдвараас урьдчилан сэргийлэх чиглэлээр нийслэлийн Засаг даргын 2020 оны А/108 дугаар захирамжийн хэрэгжилтийг хангах ажлын хүрээнд 01 дүгээр сарын 31-нээс 02 дугаар сарын 02-ны өдрүүд буюу өнгөрөгч амралтын өдрүүдэд 18 цагаас 02 цагийн хооронд хяналт шалгалтыг зохион байгуулжээ.

Хяналт шалгалтаар 526 аж ахуйн нэгж, байгууллагаас 14 зөрчлийг илрүүлэн, материалжуулан шалгаж байна.

Тухайлбал, ХУД-ийн 2 хороо “Каннам” ресторан, 11 хороо “Лондон” паб, Баянгол дүүргийн 19 дүгээр хороо “Хос морь” караоке, 13 дугаар хороо “Фокус” цахим тоглоомын газар, Баянзүрх дүүргийн 5 дугаар хороо “Идэр” дээд сургуулийн спорт заал, 26 дугаар хороо “Эдү” спорт заал, Сүхбаатар дүүргийн 3 дугаар хороо “Пастель” ресторан, “Гранд Циркус” баар, Сонгинохайрхан дүүргийн 31 дүгээр хороо Спорт заал, 32 дугаар хороо “Петромаркет” хүсний дэлгүүр, Чингэлтэй дүүргийн 4 хороо “Тайгер” баар нь захирамж зөрчин үйл ажиллагаа явуулсан байна.