Коронавирусийн тохиолдол Монголд гарсан, Замын-Үүдийн хилийн боомтоор уг вирусийн халдвар авсан хүн орж ирсэн гэх иргэдийн дунд гараад буй мэдээлэл ташаа гэдгийг МХЕГ-аас мэдээлж байна. 

Монгол Улсад одоогоор энэ төрлийн вирусийн халдвартай хүн орж ирээгүй бөгөөд холбогдох байгууллагууд урьдчилан сэргийлж, хил гааль дээр зорчигчдод хяналт тавин ажиллаж байна.  Ямар нэгэн сэжигтэй тохиолдол илэрвэл тухайн зорчигчийг тусгаарлаж, ХӨСҮТ-д хүлээлгэн өгч байгаа бөгөөд тус төв шинжилгээ, оношилгоо хийж, баталгаажуулж байгаа аж.