2020 оны зургаадугаар сард Монгол Улсын Их хурлын сонгууль болно. Сонгуулийг угтаж УИХ сонгуулийн хуулиндаа нэмэлт, өөрчлөлт оруулсан. Шинэ батлагдсан хуулиар өмнөх сонгуулиудаар гарч байсан иргэдийн шилжилт хөдөлгөөнтэй холбоотой маргаан гарах боломжийг хааж өгсөн гэдгийг албаны хүмүүс хэлж байгаа.

Тухайлбал, сонгуулийн санал хураалттай холбогдуулан иргэдийн шилжилт хөдөлгөөнийг зогсоохоор хуульчилсан байдаг.

Хуульд заасны дагуу 2020 оны хоёрдугаар сарын 1-нээс сонгууль болсны дараах өдрийн 00:00 цаг хүртэл Иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг түр зогсооно гэдгийг эх сурвалж мэдээллээ.