Хүн дайрчихаад ослын газрыг орхин явсан жолоочийг илрүүлжээ.

Тодруулбал, 2019 оны 12 дугаар сарын 31-ний орой 21:40 цагийн орчим Хан-Уул дүүрэг, Наадам центрийн баруун замд 45-50 насны эрэгтэйг улсын дугаар, марк тодорхойгүй автомашин дайрч ослын газрыг орхиж явсан байна.

Машинд дайруулсан иргэн ГССҮТ-д хүргэгдээд нас баржээ.

Тээврийн цагдаагийн албаны ЭЦХ-ийн алба хаагчид тухайн шөнө эрэн сурвалжилж 2020 оны 1 сарын 1-ний өдөр осол гаргасан тээврийн хэрэгслийг холбогдогчийн хамт илрүүлэн шалгалтын ажиллагааг үргэлжлүүлж байгаа аж.

Осол гаргаад зугтсан жолоочид эрүүгийн хуулийн дагуу хариуцлага тооцдог байна.