Орон сууцны гадаа тавьсан байсан автомашинууд шатжээ.

Тодруулбал, 2020 оны 1 дүгээр сарын 1-ний 05:05 цагт Баянгол дүүрэг, 3 дугаар хорооны байрны гадаа машин шатаж байна гэх дуудлага иржээ.

Дуудлагын дагуу Чингэлтэй дүүргийн аврах гал унтрах 10 дугаар ангийн зургаан алба хаагч, нэг автомашинтай очин 20 минут ажиллаж унтраасан бөгөөд галын улмаас дөрвөн автомашин шатжээ.

Одоогоор галын дүгнэлт гараагүй байгаа тухай мэдээлэв.