Баянзүрх дүүрэг дэх Цагдаагийн газрын гуравдугаар хэлтэс 2019 оны үйл ажиллагааны тайлангийн хурлыг амжилттай зохион байгууллаа.

Энэ үеэр гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, хуулиар хүлээсэн үүргээ хэрэгжүүлэх ажилд идэвх зүтгэл, мэргэжлийн ур чадвар гарган ажилласан Мөрдөн байцаах тасгийн хамт олныг “Хөдөлмөрийн тэргүүний тасаг”-аар, 10 алба хаагчийг “Хөдөлмөрийн тэргүүний алба хаагч”-аар шалгаруулж өргөмжлөл, мөнгөн шагнал, үнэ бүхий зүйлээр шагналаа.

Мөн хурлын үеэр Дүүргийн Иргэдийн төлөөлөгчдийн хурлын шагналаар 6 алба хаагч, Прокурорын байгууллагын өргөмжлөлөөр 1 алба хаагч, Татварын хэлтсийн шагналаар 3 алба хаагч, хэлтсийн даргын баярын бичгээр 19 алба хаагч шагнагдсаныг нийт бие бүрэлдэхүүний өмнө гардуулан өглөө.