Төр, нийгмийн нэрт зүтгэлтэн С.Зориг агсныг хөнөөсөн хэрэгт ял эдэлж буй Т.Чимгээгийн ар гэрийнхэн болон өмгөөлөгч өнөөдөр Улсын ерөнхий прокурорын удирдлагуудтай уулсан юм.

Уулзалтын үеэр Т.Чимгээгийн өмгөөлөгч “Миний үйлчлүүлэгч дөрвөн жил гаруй хоригдож байна. Т.Чимгээгийн эрх ашиг ноцтой зөрчигдөж байгаа. Энэ хэргийг нааштай шийдэх боломж гарч ирсэн гэж үзэж байна. Гүйцэтгэх ажиллагааны шугмаар авсан баримт, бичлэг нууц байдаг. Гурван шатны шүүх хурлын дараа эрүүдэн, шүүсэн бичлэгийг нь нийтэд задалсан.

Ц.Амгаланбаатарт 500 сая төгрөг амласан тул Т.Чимгээ, Ц.Содномдаржаа хоёрыг гүтгэснийгээ хүлээн зөвшөөрсөн.  Холбогдох газруудад гэрчээр мэдүүлэг өгөхдөө үүнийг хэлсэн.

Энэ даршамд би ХЗДХ-ийн сайд Ц.Нямдоржид баярлаж яваагаа хэлмээр байна. Хэрвээ тэрбээр энэ асуудалд хариуцлагатай хандаагүй бол олон хүний амьдрал сүйрэх байсан юм шүү. Энхсайхан гэдэг нэг хүүхэн түүнийг “Луйварчин” гээд л мэдэгдэл хийгээд байгаа. Хэн нэгний захиалгаар л тийм юм хийгээд байгаа юм шиг санагддаг. Ц.Нямдорж энэ асуудалд хариуцлагатай хандаагүй бол миний үйлчлүүлэгч хэлсээр ял үүрээд явах байсан. " гэв.

ШУУД ҮЗЭХ: