ЮНЕСКО-гийн Засгийн газар хоорондын хороо Колумбын нийслэлд хуралдаж байна. Тус хуралдаанаар өчигдөр Биет бус соёлын өвийн жагсаалтад арван өвийг нэмж баталжээ. 

ЮНЕСКО-гийн Биет бус соёлын өвийн жагсаалтад монголчуудын хөхүүрийн айраг хийх арга багтжээ. 

Тодруулбал, Монголчуудын хөхүүрийн айраг эсгэх уламжлалт арга технологийг Биет бус соёлын өвийн жагсаалтад бүртгэсэн үндэслэлээ гүүний сүүг үхрийн арьсан сав буюу хөхүүрт хийн эсгэх уламжлалт арга гэжээ. Мөн айраг бол тэжээллэг ундаа бөгөөд монголчуудын цагаан идээний  нэг гол төрөл зүйл. Айргийг эсгэх аргыг олон мянган жилийн турш уламжлан өвлөж, хадгалж ирсэн гэдгийг мөн онцолсон байна.