Хятад иргэд Монгол улсын нутаг дэвсгэрт цахим мөрийтэй тоглоомын хууль бус бизнес хийсэн тухай хэргийг ЦЕГ, ТЕГ тус тусын харьяаллын дагуу шалгаж байна. Уг хэргийг ЦЕГ, ТЕГ өнгөрөгч 8 сараас гүйцэтгэх ажиллагааны хүрээнд шалгаж, хянаж байжээ. Мэдээж Монголын хууль хяналтын дээрх байгууллагууд энэ хугацаанд гэмт хэргийн талаар судалгаа, бүтэц, тархалт, гадна, дотны хамсаатан зэргийг судалж байсан бололтой.

Одоогийн байдлаар энэ хэргийг Монгол улсын 1, БНХАУ-н 3 иргэн зохион байгуулсан нь тогтоогдсон байна.

ЦЕГ дарга С.Баатаржавын мэдээллэснээр тус хууль бус үйл ажиллагааг зохион байгуулсан, орон байр, эд зүйлсээр хангасан үндэслэлээр 3 дүүргийн 4 буудал, үүрэн холбооны операторууд хуулийн этгээдийг лавшруулан шалгахаар болсон байна. 

Харин энэ талаар сошил сүлжээнд хуулийн дагуу үйл ажиллагаа эрхэлж байсан зочид буудалд хууль ёсны үйл ажиллагааг гадны иргэд явуулж байсан, иргэд зочид буудалд буух нь гэмт хэрэг үү гэхчилэн мэдээлэх болсон нь иргэдийн дунд санаатайгаар эргэлзээ үүсгэж, Монголын хууль, хүчний байгууллагын үйл ажиллагааг буруутгах, саармагжуулах гэсэн зураглал ажиглагдах боллоо. Үүний цаана хэн нэгэн улс төрч эсвэл гадны нөлөөлөл байх вий гэсэн болгоомжлол ч иргэдийн дунд яригдах боллоо.  

Энэ удаагийн хэрэг цахим мөрийтэй тоглоом буюу хууль бус ашиг олох санаархалтай гадны иргэд, тэдэнтэй хамтарсан дотоодын ашиг хайгч иргэн, аж ахуй нэгж. Хэрэв, энэ хэрэг үндэсний аюулгүй байдалд нөлөөлөх халдлага байсан бол тэдгээр ашиг хайгчид эх орноосоо урвагчид болох байлаа.