Налайх, Багахангай дүүргийн прокурорын газар тус дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Засаг даргын тамгын газраас 2019 оны 10 дугаар сарын 15-ны өдөр зохион байгуулсан хуулийн байгууллагуудын нэгдсэн “Нээлттэй хаалганы өдөрлөгт” оролцжээ.   

Тус дүүргийн прокурорын газрын ерөнхий прокурор Х.Баярмаа, хяналтын прокурор С.Энхмаа, О.Баярсайхан нар прокурорын байгууллагын үйл ажиллагааг иргэдэд танилцуулж, Багахангай дүүрэгт үйлдэгдсэн гэмт хэрэг, зөрчлийн гаралт, шалтгаан нөхцөл, шийдвэрлэлтийн талаар мэдээлэл хийж, гэмт хэрэг зөрчлөөс урьдчилан сэргийлэх ажилд олон нийтийн оролцоог нэмэгдүүлэхийг уриалсан байна.

Мөн Багахангай дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнд прокурорын төлөөллийг оролцуулж цаашид хамтран ажиллах талаар санал  гаргаж ажилласан байна.

                                                          НАЛАЙХ, БАГАХАНГАЙ ДҮҮРГИЙН ПРОКУРОРЫН ГАЗАР