Тэтгэвэрийн зээлийн хүү хэдэн хувиар буурав
Хөдөлмөр, нийгмийн хамгааллын яам арилжааны банкуудтай харилцан тохиролцож, зээлийн хүүг үе шаттай бууруулж байна. Үүний дагуу тэтгэвэр барьцаалсан зээлийн хүүг бууруулах шийдвэрийг энэ сарын 1-нд гаргасан. Урт хугацаатай зээлийн хүүг бууруулах хүсэлтийг ахмадууд удаа дараа тавьснаар дээрх шийдвэрийг гаргасан юм.
Улмаар уг шийдвэрийг өнөөдрөөс хэрэгжүүлж эхлэхийг Нийгмийн даатгалын ерөнхий газраас мэдэгдэв. Бага хүүтэй зээлийг зөвхөн 12 сар хүртэлх хугацаагаар тэтгэврийн зээл авч буй ахмадуудад олгож байсан.
Тэгвэл өмнө нь 18 хувийн хүүтэй олгож байсан зээлийн хүү өнөөдрөөс 15.6 болж буурлаа. 2020 оны нэгдүгээр сараас зээлийн хүүг дахин 2.6 пункцээр бууруулж, 13 хувь болгохоор арилжааны банкуудтай тохиролцжээ. Энэ дагуу 417.7 мянган тэтгэвэр авагч бага хүүтэй зээл авах боломж бүрдэх юм.
Эх сурвалж: erennews.mn
|