Монголын үндэсний олимпын хорооны ерөнхийлөгч Д.Загдсүрэн эрүүл мэндийн байдлаас шалтгаалан ажлаасаа чөлөөлөгдөх хүсэлтээ өгсөн  байна.

Өнөөдөр тус хорооны Гүйцэтгэх зөвлөлийн хурлаар уг асуудлыг хэлэлцжээ.

Хурлаас МҮОХ-ны ерөнхийлөгчийн ажлыг тэргүүн дэд ерөнхийлөгч Б.Баттүшигт түр хариуцуулах шийдвэр гаргасан байна.

Мөн МҮОХ-ны ерөнхийлөгчийг сонгох сонгууль явуулахтай холбоотой ээлжит бус гишүүдийн хурал зарлан хуралдуулах асуудлыг ойрын үед Гүйцэтгэх зөвлөлийн хурлаар хэлэлцэж шийдвэрлэхээр болжээ.

Д.Загдсүрэн нь 2017 онд МҮОХ-ны ерөнхийлөгчөөр дахин сонгогдож байсан юм.