Цагдаагийн Ерөнхий Газрын Хар тамхитай тэмцэх газар Баянзүрх дүүрэгт нас барсан эрэгтэй, эмэгтэй хүмүүсийн талаар мэдээлэл гаргалаа. 

Тодруулбал,  2019 оны наймдугаар сарын 30-нд Баянзүрх дүүргийн дугаар хорооны нутаг дэвсгэрт 30 орчим насны эрэгтэй, эмэгтэй хоёр хүн нас барсан байна гэх дуудлагын дагуу шалгалт явуулахад  мансууруулах, сэтгэцэд нөлөөлөх бодис, хэрэглэлүүд илэрсэн бөгөөд хэргийг үргэлжлүүлэн шалгаж байгаа аж. 

Урьдчилсан байдлаар хоёр иргэн хар тамхи хэтрүүлэн хэрэглэсний улмаас нас барсан байж болзошгүй байгаа бөгөөд шүүх шинжилгээний дүгнэлт эцэслэн гараагүй байна гэж ЦЕГ-ын Хар тамхитай тэмцэх газар мэдээллээ.