Төрийн өндөр албан тушаалтнуудын  олны анхаарал татсан хэргүүдийн нэг болох Төрийн банкны болон Барилга хот байгуулалтын яамны удирдах албан тушаалтнуудыг "Хахууль авсан" болон хууль бусаар 20 тэрбум төгрөгийн зээл олгосон гэх хэрэгт яллах дүгнэлт үйлдэж, Чингэлтэй дүүргийн Эрүүгийн хэргийн анхан шатны шүүхэд шилжүүлжээ.

Тодруулбал,  Төрийн банкны болон Барилга хот байгуулалтын яамны удирдах албан тушаалтнуудын албан үүрэг, бүрэн эрх, албан тушаалын байдлаа урвуулан ашиглаж, хууль бусаар 20 тэрбум төгрөгийн зээл олгосон, мөн 14.9 тэрбум төгрөгөөр хууль, тогтоомж зөрчиж, худалдан авах ажиллагаа гүйцэтгэсэн үйлдэлтэй,

• Монгол улсын Эрүүгийн тусгай ангийн 22.1 дүгээр зүйлийн 2 дахь хэсэгт заасан "Эрх мэдэл, албан тушаалтын байдлаа урвуулан ашигласан",
• 22.4 дүгээр зүйлийн 2 дахь хэсэгт заасан "Хахууль авах" хэрэгт яллах дүгнэлт үйлдэж, Чингэлтэй дүүргийн Эрүүгийн хэргийн анхан шатны шүүхэд шилжүүлсэн гэж НПГ-аас мэдээлэл өглөө.