Хэвлэл мэдээллийн хэрэгслээр мэдээлэгдэж байсан олны анхаарал татсан зарим хэргүүдийн талаар Нийслэлийн прокурорын газрын хяналтын прокурор Д.Эрдэнэсувдаас тодруулга авлаа.

Тэрбээр "Шүүхийн шинжилгээний үндэсний хүрээлэнгийн хэлтсийн дарга Салхитын мөнгөний ордтой холбоотой хэрэгт криминалистийн шинжилгээ хийлгэх явцад албаны чиг үүргээ хэрэгжүүлэхийн тулд бусдаас хахууль авсан хэрэгт Нийслэлийн прокурорын газраас яллах дүгнэлт үйлдэж хэргийг шийдвэрлүүлэхээр Хан-Уул дүүргийн Эрүүгийн хэргийн анхан шатны шүүхэд шилжүүлсэн" гэв.

Харин энэ хэрэгтэй холбоотой бусад албан тушаалтнуудыг шалгах ажиллагаа одоогоор дуусгавар болоогүй, мөрдөн шалгах ажиллагаа үргэжилж байгаа аж.