Нийслэл дэх Захиргааны хэргийн анхан шатны шүүхэд  өчигдөр аварга Э.Оюунболдын нэхэмжлэлтэй, Үндэсний баяр наадмыг зохион байгуулах хороонд холбогдох нэхэмжлэл ирсэн байжээ.

Уг нэхэмжлэлийг Захиргааны хэрэг хянан шийдвэрлэх тухай хуулийн 55.1-т зааснаар захиргааны хэрэг үүсгэх эсэхийг 7 хоногийн хугацаанд шийдвэрлэх аж.

Үндэсний баяр наадмыг зохион байгуулах хороо өнгөрсөн даваа гаригт хуралдах үеэрээ өнөө жилийн үндэсний их баяр наадамд барилдаж, түрүү аван, Монгол Улсын аварга цол хүртсэн Э.Оюунболдоос дөрвөн төрлийн сэргээш хэрэглэсэн нь допингийн А" шинжилгээгээр баталгаажсан гэдгийг мэдэгдсэн билээ.