Өнөөдөр Хуульчдын талбайд шүүх эрх мэдлийг хараат бус байлгахын төлөө хуульчид жагсаал цуглаан зохион байгуулж байна. 

Үндсэн хуулийн нэмэлт өөрчлөлтийн төсөлд шүүх мэдэлтэй холбоотой гурван заалт бий. Түүнийг хуульчид дэмжиж, шүүхийн хараат бус байдлыг Үндсэн хуульдаа баталгаажуулан, бэхжүүлэх нь зөв хэмээн дуу хоолойгоо нэгтгэж буй нь энэ юм.

Жагсаалд ирсэн хуульчид Үндсэн хуулийн нэмэлт өөрчлөлтийн төслийн шүүхтэй холбоотой хэсгийн талаар УИХ-ын гишүүдэд шаардлага хүргүүлэхээр санал нэгдлээ. Тухайлбал, Төрийн байгуулалтын байнгын хорооноос дэмжээд буй гурван заалтыг Үндсэн хуульд тусгавал шүүхийг хараат бус, шударга болгоход чухам алхам болно хэмээн дэмжиж буй.  

Түүнчлэн хуульчид Шүүхийн ерөнхий зөвлөлийг 10 гишүүнээс бүрддэг байхаар хуульчлахыг дэмжиж байгаа юм. Ингэснээр нэг хүнд ногдох эрх мэдлийг саармагжуулж байгаа нь давуу талтай болно гэв.