Монголын сагсан бөмбөгийн шигшээ багийн тамирчин О.Дөлгөөн бурханы оронд оджээ. Калифорнийн Их сургуулийн эмнэлэгт хэвтэн эмчлүүлж байсан тэрээр 2017 онд МСБХ-ны Дээд лигийн мөнгөн медаль, 2018 онд МСБХ-ны Дээд лигийн мөнгөн медаль хүртэж тухайн жилдээ шигшээ багт дуудагдан, Азийн наадамд оролцсон. Түүнчлэн 2019 онд Оюутны лигийн аварга, Финалийн MVP шагналыг хүртэж байсан шилдэг тамирчин байсан юм.