Борооны улмаас тодорхой газруудад ус ихээр тогтжээ. Геодези, Усны барилга байгууламжийн газраас өгсөн мэдээллээр эдгээр газарт усыг нь соруулах ажил өрнөж байгаа гэнэ. Тодруулбал, нийслэлд өнөөдрийн байдлаар усархаг аадар бороо үргэлжлэн орсонтой холбоотойгоор ус ихээр тогтдог байршлуудад шуурхай долоон бригад гарган ус соруулах ажил хийж байгаа аж. 

Дашрамд дурдахад, цаг агаарын урьдчилсан мэдээгээр бороо цаашид ч үргэлжлэн орох төлөвтэй байгаа юм. Тиймээс тус газраас ус соруулах ажлыг үргэлжлүүлнэ гэж мэдээллээ.