Цагдаагийн байгууллагаас сүүлийн 2 жилд олон аян арга хэмжээ, нөлөөллийн ажлууд хийгдсэний үр дүнд энэ оны эхний хагас жилийн байдлаар гэмт хэргийн гаралт улсын хэмжээнд 11.9 хувиар, нийслэлийн хэмжээнд 19.8 хувиар буурсан байна. Цагдаагийн Ерөнхий газраас 2019 он гарснаас хойш "Нэг Хором", "Зөв Тусгал", "Бяцхан зорчигч", "Яараад Яахав дээ" гэсэн томоохон нэгдсэн арга хэмжээг зохион байгуулснаар олон талын эерэг үзүүлэлтүүд гараад байна. Дашрамд дурдахад эхний хагас жилийн байдлаар нийслэлийн хэмжээнд гэмт хэрэг, зөрчлийн шинжтэй 222 мянган дуудлага, мэдээлэл бүртгэгдсэн бол 36250 хүнийг эрүүлжүүлжсэн байна. Тоон үзүүлэлтээс харахад цагдаагийн байгууллага нь цагт 70 дуудлага, мэдээллийг хүлээн авдаг аж.