"Хараат шүүхийг халъя" уриатай жагсаал дөрөв дэх өдрөө Улсын Дээд шүүхийн гадна талбайд үргэлжилж байна.

Жагсагчид "Шударга шүүхтэй болохын тулд шинэчлэлтийг Дээд шүүхээс эхлэх ёстой" хэмээн үзэж байгаагаа хэллээ. Мөн зарим шүүгчийг нэр заан огцрохыг шаардаж байв.

"МАНАН дэглэмийн эсрэг Монгол түмний нэгдэл", иргэд, иргэний нийгмийн байгууллагуудын хамтран зохион байгуулж буй тус жагсаал зургаадугаар сарын 25-нд эхэлсэн бөгөөд 28-н буюу өнөөдрийг дуустал үргэлжилнэ хэмээн зохион байгуулагчид хэлж байсан юм.