Монгол Улс байгальд ээлтэй, тогтвортой аргаар ноолуур бэлтгэсэн тохиолдолд Gucci, H&M, UNIQLO зэрэг дэлхийн томоохон брэндүүд хамтарч ажиллахад бэлэн гэдгээ мэдэгдлээ.

Дээрх компаниудын төлөөлөл манай улсад ирээд байгаа бөгөөд тэд өнөөдөр НҮБ-ын Хөгжлийн хөтөлбөрийн газар, ХХААХҮЯ-наас хамтран зохион байгуулсан “Монгол Улсад байгальд орчинд ээлтэй ноолуур үйлдвэрлэлийг дэмжих тогтолцооны өөрчлөлт” сэдэвт хэлэлцүүлэгийг зохион байгуулсан байна.

Тус  хэлэлцүүлэг нь байгаль орчинд ээлтэй ноолуурын үйлдвэрлэлийг хөгжүүлэх, Монгол Улсад ийм санаачлагыг дэмжих зорилгоор болсон юм.

Манай улс дэлхийн ноолуурын нөөцийн 40 хувийг бэлтгэн гаргадаг. Өнгөрсөн жилээс эхлэн “Ноолуур” хөтөлбөрийг хэрэгжүүлсний үр дүнд 1570 ажлын байр бий болж 2018 онд гэхэд 1.3 их наяд төгрөгийн борлуулалт хийснийг албаныхан онцолж байв.