Зуны улирал эхэлж, аялал зугаалгын цаг ирж байгаа энэ үед иргэд амралт, рашаан сувиллаар үйлчлүүлэх нь ихэсдэг. Эрүүл мэндийн даатгалтай иргэд хэрхэн, яаж хөнгөлөлт эдэлж,  хаана, ямар газраар үйлчлүүлэх талаарх мэдээлэл хэрэг болдог. Тиймээс  энэ удаа ЭМД-ын хөнгөлөлтөөр  үйлчлэх РАШААН СУВИЛЛУУД-ын талаар товч мэдээллийг хүргэж байна.

Энэ онд улсын хэмжээнд Эрүүл мэндийн даатгалын байгууллагатай гэрээ байгуулан ажиллаж байгаа 57 рашаан сувиллын газар байгаа аж. Нийслэл хотын хэмжээнд 30 рашаан сувилал үйл ажиллагаа явуулж байна. Эдгээр газрууд эрүүл мэндийн даатгалд даатгуулсан иргэдэд рашаан сувилал, сэргээн засах сувилалын үйлчилгээг үзүүлж байна.