ТЕГ-ын даргаар ажиллаж байсан, хошууч генерал Б.Хурцыг өнгөрсөн дөрөвдүгээр сарын 23-нд цагдан хорьж, улмаар цагдан хоригдох хугацаа дууссан ч үргэлжлүүлэн хорих шийдвэрийг шүүхээс гаргасан билээ.

Тэгвэл өнөөдөр түүний таслан сэргийлэх арга хэмжээ дуусгавар болж буй учраас Чингэлтэй дүүргийн Эрүүгийн хэргийн анхан шатны шүүх  хорих, эсвэл батлан даалтад гаргах эсэхийг шийдвэрлэнэ.

Эрүүгийн цагдаагийн албанаас Б.Хурцыг С.Зоригийн амь насыг хөнөөсөн хэргээр ял эдэлж буй Т.Чимгээ, Б.Содномдаржаа нарыг эрүүдэн шүүсэн, мөн хууль тогтоомж зөрчсөн гэх хэрэгт холбогдуулан  саатуулсан билээ.