Монгол Улсын хэвлэл мэдээллийн байгууллагууд жилээс жилд хөгжиж буй. Улс орныхоо дотоод үйл явдал, цаг үеийн мэдээ мэдээллээс гадна нийгэм, эдийн засгийн үнэн бодитой, хэрэгцээтэй мэдээллийг хүргэнэ гэдэг гарын үзүүрээр, ганц хүний хийх ажил биш. Энэ салбар өөрийн гэсэн өнгө төрхөө олж, алдаж хөгжиж, бас өргөжин тэлж шүүмжлэл магтаалын дунд өдийг хүрсэн. Монголын хэвлэл мэдээллийн байгууллагуудад холбогдох мониторингийн тоон мэдээлэл гэхэд олон арван хуудас бүхий судалгаа болж байна.

Хэвлэлийн хүрээлэнгээс “Монголын хэвлэл мэдээлэл- Өнөөдөр” мониторингийн судалгааг 2018 онд 19 дэх жилдээ хийж, тайланг нь тусгай товхимол болгон хэвлүүлжээ. Уг товхимолд орсон хэвлэл мэдээллийн салбарын тоон мэдээллийг хүргэж байна.