“Улаанбаатар дулааны сүлжээ” ТӨХК зуны урсгал засварын ажлыг тавдугаар сарын 15-наас хийж эхэлнэ. Одоогоор засварын ажлын хуваарийг хийж байгаа тухай мэдээллээ.

Мөн орон сууцны айл өрх, сургууль, цэцэрлэг, эмнэлэг, төрийн байгууллагуудын халаалтыг албан ёсоор тавдугаар сарын 15-наас зогсооно. 

Харин аж ахуйн нэгжүүд дээрх хугацаанаас өмнө халаалтаа зогсоох бол хүсэлтээ гаргаж болох юм байна.

Тус компани 2018-2019 онд Улаанбаатар хотын хэмжээнд гэрээгээр 2,397 хэрэглэгч, иргэн аж ахуйн нэгжийг дулаанаар хангаж байгаа аж.