Цагдаагийн ерөнхий газрын хурлын танхимд цагдаа, дотоодын цэргийн байгууллагын Захиргааны удирдлагын болон төлөвлөлт, зохион байгуулалтын газар, хэлтэс, тасгийн дарга нарын сургалт энэ сарын 5-ны өдөр зохион байгуулагдлаа.

Сургалтад цагдаа, дотоодын цэргийн алба, газар, хэлтэс, нэгжийн Захиргааны удирдлагын болон төлөвлөлт, зохион байгуулалтын ажил хариуцсан нийт 61 удирдах алба хаагчид оролцлоо.

Энэхүү сургалт нь нэг өдөр үргэлжлэх бөгөөд сургалтаар цагдаа, дотоодын цэргийн байгууллагын архив, албан хэрэг хөтлөлт, соён гэгээрүүлэх, хүний нөөцийн чиглэлээр хэрэгжүүлж буй бодлого, хууль тогтоомжийн хэрэгжилт, цаашид анхаарах асуудлууд, Авилгатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөөний явц байдал гэсэн сэдвүүдээр хичээл орсон юм.