Иргэдийн худалдан авалтын НӨАТ-ын буцаан олголтыг улирал тутам олгох боломжтой гэж Сангийн сайд Ч. Хүрэлбаатар мэдэгдсэн байна.

Энэ талын бүртгэл, мэдээллийн систем бэлэн болж, бүр сар тутам буцаан олгох техникийн боломж ч бүрдээд байгаа. Гэхдээ Татварын багц хуулинд НӨАТ-ын буцаан олголтыг улирал тутам олгохоор тусгаад байна. Сар бүр олгоход иргэдийн авах буцаан олголтын хэмжээ бага буюу тодорхой хэмжээгээр хуримтлал үүсээгүй байдаг тул ийнхүү улиралд нэг удаа олгож байхаар болоод байна. Ингэхдээ буцаан олголтын хувь хэмжээг нэмэхгүй гэдгээ мэдэгдлээ.