Сонгинохайрхан дүүрэг дэх цагдаагийн нэгдүгээр хэлтсээс албаны сургалтын нэгдсэн төлөвлөгөөний дагуу дагуу 2019 оны 03 дугаар сарын 11-ний өдөр Имако консалтинг төвтэй хамтран “Офицерын манлайлал” сэдэвт сургалтыг хэлтсийн байрандаа зохион байгууллаа.

Сургалтыг Имако консалтинг төвийн захирал, менежментийн зөвлөх, боловсрол судлалын магистр Р.Лхагвадулам ахлагчтай баг удирдан явуулж,  цагдаагийн албан хаагчийн сэтгэлгээ, харилцаа, ёс зүй, харизм, төрийн албан хаагчийн эрхэмлэх зүйлс дэд сэдвүүдийн хүрээнд мөн багийн хамтын ажиллагаа, ажлын бүтээмжийг хэрхэн дээшлүүлэх, хувь хүний хөгжилд чиглэсэн чөлөөт сэдвүүдээр орлоо. Сургалтад офицер албан тушаалын 51 алба хаагчид хамрагдсан бөгөөд сургалтын үр дүнд сэтгэл хангалуун байгаагаа илэрхийллээ.

Цаашид 2019 онд алба хаагчдын ажилдаа хандах хандлагыг өөрчлөх, сахилга ёс зүй, харилцаа, ажлын бүтээмжийг сайжруулах чиглэлээр хамтран ажиллахаар боллоо.

Эх сурвалж: ЦАГДААГИЙН ЕРӨНХИЙ ГАЗАР