03-р сарын 01-ний өглөөний 08:30-д цагдаагийн байгууллагад "авто засварын газар хулгай орж эд зүйлс алдагдсан байна” гэсэн дуудлага мэдээлэл ирсэн байна. Тус мэдээллийн мөрөөр шалгахад  СХД-20 хорооны нутаг дэвсгэрт үйл ажиллагаа явуулдаг байрны ард байрлах авто засварын газарт СХД-1 хороо Толгойтод оршин суух хаягтай “Б” /эр.13/ нь засварын газрын модон хаалгыг эвдэн орсон нь тогтоогдсон аж. Авто засварын газар байсан Samsung маркын зөөврийн компьютер мөн бэлнээр 1,780,000 мянган төгрөгийг хулгайлсаныг илрүүлэн СХД-ийн цагдаагийн нэгдүгээр хэлтэс шалгаж байна гэж цагдаагийн Хэвлэл мэдээллийн төвөөс мэдээллээ.