Өнөөдөр Сүхбаатар дүүргийн Эрүүгийн хэргийн анхан шатны шүүхэд Б.Махбалд холбогдох хэргийн хурал боллоо. Шүүхийн шийдвэрээр гэм буруугийн шүүх хурлыг хоёрдугаар сарын 8-нд хэлэлцэхээр товлон зарлалаа.

Өнөөдрийн хэлэлцүүлэгт хохирогчийн хууль ёсны өмгөөлөгч нар болон яллагдагч Б.Махбалын хоёр өмгөөлөгч оролцсон бөгөөд хохирогч Т.Гомбосүрэнгийн өмгөөлөгч нарын зүгээс хэргийн мөрдөн байцаалтыг дутуу хийгдсэн гэж үзэн хавтаст хэргийг нэмэлт мөрдөн байцаалтад буцаах саналтайгаар оролцсон юм.