Баянгол дүүргийн Хөдөлмөр, халамжийн үйлчилгээний хамт олон шинэ оныг угтан “Аз жаргал нэмсэн шинэ жил” шинэ жилийн арга хэмжээг зохион байгуулж 27 хөгжлийн бэрхшээлтэй хүүхдийн шинэ жилийн баяр дээр нь баяр нэмжээ. 
Арга хэмжээний үеэр байнгын асаргаатай, хэвтэрт байгаа 15 хөгжлийн бэрхшээлтэй хүүхдийн гэрээр өвлийн өвгөн аав, цасан охидын хамт зочлон бэлэг гардуулж, гэр бүлд нь баярын бялуу, шампанскыг цагаан сүүний хамтаар бэлэглэлээ. Мөн хүнсний тусламж шаардлагатай 5 өрхөд хүнсний бүтээгдэхүүний тусламжийг үзүүллээ.

Мөн тусгай сургалттай 70 дугаар сургуулийг төгсөж буй 9а ангийн сурагчдыг сонгон шинэ жилийн баярт нь өвлийн өвгөн аав цасан охидын хамт зочилж хүүхэд бүрт бэлэг тарааж баярын ширээг нь амтат бялуу, шарсан тахиагаар чимлээ. Мөн ангийн багшид амжилт хүсч гарын бэлэг өгөхийн зэрэгцээ хүүхдүүдийн суралцах орчныг сайжруулахад хувь нэмэр болгож цэвэршүүлэгчтэй ус буцалгагч бэлэглэсэн байна.