Монгол Улсын Ерөнхийлөгчийн зарлигаар /2018.12.28/ Монгол Улсын гавьяат хуульч цол хүртсэн Мөрдөн байцаах албаны ахмад ажилтан, цагдаагийн хурандаа Д.Алтангэрэлийг хүлээн авч хүндэтгэл үзүүллээ.  

Тэрбээр цагдаагийн байгууллагад эгэл жирийн цагдаагийн алба хаагчаас хурандаа болтлоо 30 гаруй жил ажиллаж Улсын мөрдөн байцаах газрын дарга, Цагдаагийн ерөнхий газрын дэд даргын албыг хашиж байсан билээ.

Хүндэтгэл үзүүлэх ёслолын ажиллагаанд Хууль зүй, дотоод хэргийн сайд Ц.Нямдорж хүрэлцэн ирж үг хэллээ. Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав, Тэргүүн дэд дарга, цагдаагийн хурандаа Р.Отгонжаргал, Мөрдөн байцаах албаны удирдлагууд, ахмад ажилтнуудын төлөөлөл болон алба хаагчид оролцон баяр хүргэсэн юм.