Зөвлөгөө мэдээллийн аян үргэлжилж байна
Дүүргийн ажилгүй, ажил хайж буй иргэдэд ажил мэргэжлийн чиг баримжаа олгох, зөвлөгөө мэдээлэл хангах, аж ахуйн нэгж байгууллагуудын сул чөлөөтэй болон шинэ ажлыг байрыг танилцуулах, ажил хайгч иргэдийг ажлын байранд зуучлах зорилгоор 2018 оны 6 дугаар сарын 14-ний өдөр Дүүргийн Засаг даргын Тамгын газрын 1 давхарын иргэний танхимд Хөдөлмөр, халамжийн үйлчилгээний хэлтэстэй тогтмол хамтран ажиллаж, шинэ ажлын байрыг нэмэгдүүлэн, иргэдийг байнгын ажлын байраар ханган ажилладаг Говь ХК, Жигүүр гранд ХХК, Номинхолдинг ХХК-тай хамтран “Нээлттэй хаалганы өдөрлөг зохион байгууллаа. Өдөрлөгөөр 80 байгууллагын 670 ажлын байрыг танилцуулж, 120 иргэнд ажил мэргэжлийн чиг баримжаа олгох, зөвлөгөө мэдээлэл өгч, ажил хайгч 98 иргэнийг бүртгэн, 42 иргэнийг ажлын байранд зуучлан ажиллалаа.