Нийслэлийн Баянзүрх дүүргийн 6 дугаар хороо, “Баянзүрх” худалдааны төвийн 1 дүгээр давхарт өчигдөр орой 21.55 цагийн үед гал гарчээ.

Галын улмаас 6 ширхэг хүнс, барааны лангуу шатсан байна.

Худалдааны төвд гал гарлаа гэсэн дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч 22:01 цагт очиж, 25 минут ажиллаж ассан галыг бүрэн унтраасан байна.

Гал чухам юунаас болж гарсан талаар одоогоор тодорхой мэдээлэл байхгүй байгаа бөгөөд галын шинжээчдын дүгнэлтээр шалтгаан нөхцлийг тодруулна. Шинжээчдын дүгнэлт 14 хоногийн дараа гарах аж.