Сүхбаатар аймгийн Түмэнцогт суманд болсон хурдан морины уралдааны үеэр унаач хүүхэд мориноос унаж, амь насаа алдсан харамсалтай хэрэг өнгөрөгч наймдугаар сарын 19-ний өдөр гарсан. 

Уг хэргийг Сүхбаатар аймгийн цагдаагийн газарт шалгаж, уралдаан зохион байгуулагч болон хурдан морины уяач Т-д шүүхээс торгуулийн ял оногдуулсан байна.

Мөрдөн шалгалтын явцад, уяач Т нь “Үндэсний морин уралдааны уралдаанч хүүхдийн хамгаалалтын хувцас, морины хэрэгсэлд тавих шаардлага” МNS6264:2018 Монгол Улсын стандартыг зөрчиж, хамгаалалтын хувцас хэрэглэлийг өмсгөж уралдуулаагүйн улмаас 8 настай эрэгтэй Д-гийн амь нас хохирсон болохыг тогтоосон байдаг.