Шүүхийн шийдвэр гүйцэтгэх байгууллагын хэмжээнд 2018 онд зохион байгуулах мэргэшүүлэх сургалтын хөтөлбөр, төлөвлөгөөний дагуу харьяа Шүүхийн шийдвэр гүйцэтгэх газар, хэлтэс, хэсгийн эрүүгийн шийдвэр гүйцэтгэх ажиллагаа хариуцсан ахлах шийдвэр гүйцэтгэгч, шийдвэр гүйцэтгэгч нарыг мэргэшүүлэх сургалтыг 11 дүгээр сарын 06, 07-ны өдрүүдэд зохион байгуулж байна.  
Сургалтад 53 алба хаагч хамрагдаж байгаа бөгөөд Улсын ерөнхий прокурорын газрын Шийдвэр гүйцэтгэх ажиллагаанд хяналт тавих хэлтсийн дарга Д.Отгонбаяр, хяналтын прокурор Н.Найгалдорж нар оролцож хорихоос өөр төрлийн ял, албадлагын арга хэмжээ авагдсан шүүхийн шийдвэрийн хэрэгжилт, цаашид анхаарах асуудлын талаар мэдээлэл хийлээ.

Мөн “Шинэчлэн батлагдсан эрүүгийн хуулийн ялын бодлого”, “Цэргийн алба хаагчийн ажилласан жил, тэтгэвэр тэтгэмжийн талаарх ойлголт”, “Үүрэг хүлээлгэх, эрх хязгаарлах албадлагын арга хэмжээ авагдсан этгээдэд тавих хяналт, анхаарах асуудал”, “Хорихоос өөр төрлийн ял эдлүүлэх ажиллагаа, анхаарах асуудал”, “Эрэн сурвалжлах ажиллагаа, анхаарах асуудал”, “Хорихоос өөр төрлийн ял эдлүүлэх ажиллагаанд хүний эрхийг хангах нь” зэрэг сэдвүүдийн хүрээнд хичээл сургалтыг заан явуулж байна.