Баянзүрх дүүргийн 2 дугаар хороо Их тойруу Армийн генерал Батын Доржийн гудамжинд байрлах Цагдаагийн ерөнхий газрын Нийтийн хэв журам хамгаалах, Олон нийтийн аюулгүй байдлыг хангах албаны Эргүүл, хамгаалалтын газраас тус хорооны явган хүний замгүй барьсан хашаануудыг буулгаж, шинээр явган хүний зам талбайг тохижуулах ажлыг хийжээ. Энэ ажилд хорооны иргэдийн зүгээс талархалтай хандаж байгаа бөгөөд нийгмийн хариуцлагаа ухамсарлаж, шинээр явган хүний зам талбай гаргасан Эргүүл, хамгаалалтын газрын хамт олонд талархал илэрхийллээ. Мөн бусад төрийн болон төрийн бус байгууллагуудыг энэ төрлийн ажилд идэвхийлэн оролцохыг уриаллаа.