Азербайжан улс руу визгүй зорчих Засгийн газар хоорондын хэлэлцээрийг Засгийн газрын өчигдрийн хуралдаанаар дэмжлээ. Ингэснээр дипломат, албан паспорт эзэмшигчид Азербайжан улс руу 90 хоног визгүй зорчихоор болж байна. Гадаад харилцааны сайд Д.Цогтбаатар НҮБ-ын ерөнхий ассамблейн 73-р чуулганд оролцох үеэрээ Азербайжаны Гадаад хэргийн сайд Эльмар Мамедъяровтай хоёр талт уулзалт хийж уг асуудлыг шийдвэрлэсэн билээ.