Өнөөдөр намрын дунд сарын шинийн 15-ний билэгт сайн өдөр тохиож байна. Энэ өдөр Б.Анхболд хуримаа хийж байна. 

Анх zaluu.com сайтад аав хүү хоёрын талаарх сурвалжлага гарч, Хүүхдийн хүчирхийллийн эсрэг тайван жагсаалын группын гишүүд Б.Анхболдод туслах аян эхлүүлсэн тэр өдрөөс Б.Анхболдын амьдралд гайхалтай үйл явдлууд тохиолдож эхэлсэн юм. 

Айлын хашаанд толгой хоргодож байсан тэд сайхан сэтгэлд Монголчуудын буянаар өөрсдийн гэсэн хашаатай болж, өргөө цагаан гэрээ бариад авав. Түүгээр ч үл барим анхны сурвалжлагынхаа үеэр ярьж байсан хуримаа хийх мөрөөдөл нь өнөөдөр ийнхүү биелэж байна. 

Түүний мөрөөдлийг БГД-ын Гэр бүл, Ёслолын ордныхон тэднээс ямар ч төлбөр авахгүйгээр хуримын ёслолыг нь хийжээ. Харин сүйт бүсгүйн хуримын даашинз, гоёлын иж бүрдлийг "Butterfly" хуримын даашинзны дэлгүүрийн хамт олон бэлэглэсэн байна.