Монгол залуу хүн амтай улс. Хүн амын дийлэнхийг бүрдүүлж буй залуус дийлэнх чөлөөт цагаа цахим орчинд өнгөрүүлж байна. Тэд фэйсбүүк, твитер, инстаграм гэх мэт цахим платформууудыг хэдийнэ эзэмшжээ. Иймд хэдий хөгжингүй гэх тодотголтой ч Монгол Улс хүн амынхаа тоонд харьцуулбал ухаалаг гар утас хэрэглэгчийн тоо, интернэт хэрэглэгчийн тоогоороо дээгүүр бичигддэг.

Энэ нь дижитал эрин үе хажууханд, хаяанд ирснийг батална. Нийгмийн сүлжээ өргөн нэвтэрснээр Монгол гурван сая “сэтгүүлчтэй” болов.

Тэгвэл нийгмийн энэхүү шинэ орчин нөхцөлд сэтгүүлчид хэрхэн ажиллах ёстой вэ? Тэд цахим сүлжээний идэвхтэнүүдээс яаж ялгарах вэ? Эмх замбараагүй, эх захгүй их мэдээлэл дундаас хэрхэн хамгийн хэрэгтэйг нь бүтээх вэ? Сэтгүүлчид нийгмийн сүлжээг манлайлж чадаж байна уу?      

Эдгээр асуудлыг "Мэргэжлийн сэтгүүл зүй ба дижитал эрин үе” сэдэвт сэтгүүл зүйн ёс зүйн хоёрдугаар форумаар хөндөж байна.

Шангри-Ла зочид буудалд бүтэн өдөр үргэлжлэх форумын дэлгэрэнгүйг эндээс уншаарай.