Монголын Гэрэл Зурагчдын Нэгдсэн холбооноос ээлжит үзэсгэлэнгээ Театрын музейд өнөөдөр дэлгэлээ. Үзэсгэлэнд 50 орчим гэрэл зурагчдын 500 бүтээл тавигджээ. Талд тоос эрчлүүлэн хурдлах омголон морьд, талын салхинаас өөр унаачгүй эрмэг хүлэг, өвлийн хүйтэн зуны халууныг үл ажран морин дэл дээр хийсэх монгол адуучин гээд шилдэг 100 зурагт өгүүлэх түүхүүд нь цор ганц ажээ. Иймд үзэсгэлэнг “Адууны хийморь” гэж нэрлэсэн байна. Тус үзэсгэлэн энэ сарын 8 хүртэл үргэлжлэх юм байна.