Дорноговь аймгийн Айраг сумын нутаг дэвсгэрт наймдугаар сарын 12-ны өдрийн 01.35 цагаас эхлэн усархаг аадар бороо орсны улмаас үер бууж Улаанбаатар-Сайншанд чиглэлийн 747 дахь км төмөр замын суурь бүтэц үерийн усанд автсан.

Байгалийн давагдашгүй хүчин зүйлийн улмаас учирсан хохирлыг арилгахын төлөө 486 төмөр замчид өдөр шөнөгүй шаргуу ажилласны ачаар галт тэрэгний хөдөлгөөн өчигдөр орой /2018.08.13/ 22.18 цагт нээсэн байна.

Одоогийн байдлаар 20 гаруй галт тэрэг дээрх замаар хурд сааруулсан байдалтайгаар явж өнгөрч байна.