Хүй долоон худагт өнгөрсөн амралтын өдрүүдэд болж өнгөрсөн “Даншиг наадам-Хүрээ цам” арга хэмжээний үеэр төөрсөн хоёр хүүхдийг цагдаагийн алба хаагчид эцэг, эх асран хамгаалагчид нь хүлээлгэн өгсөн байна. 

Даншиг наадмын үеэр цагдаагийн байгууллагын 1,200 гаруй алба хаагчид наадамчин олны аюулгүй байдлыг хангах, гэмт хэрэг, зөрчлөөс урьдчилан сэргийлэх чиглэлээр хэв журмын явган, автомашинтай, нохойт, морьт эргүүлүүдийг ажиллуулжээ.
 
Мөн гэмт хэргээс урьдчилан сэргийлэх Хүй долоон худгийн радио узель ашиглан наадамчин олонд 30 минут тутам 2-3 удаагийн давтамжтайгаар сэрэмжлүүлэг, зөвлөмжийг хүргэж, бага насны хүүхдийг төөрөхөөс сэргийлж эцэг, эхийн утасны дугаартай бугуйвчийг тараасан байна. 

Эх сурвалж: Нийслэлийн Цагдаагийн газар