Туркийн иргэн Вейсел Акчайг хулгайлсан гэх шуугиан цахим сүлжээгээр маш хурдтай түгсэн. Туркийн Засгийн газар Монголын нутаг дэвсгэрт хүн хулгайлахыг оролдсон гэсэн мэдээллийг эрс няцаагаад байгаа. Мөн энэ хэрэгт Монголын цагдаа, хүчний байгууллага оролцсон гэх мэдээллийг Туркийн талаас няцааж байгаа юм.

Ямартай ч эх сурвалжийн мэдээлсэнээр энэхүү хэрэгтэй холбоотойгоор Туркийн Элчин сайдын яаманд ажилладаг гурван монгол иргэнийг шалгаж байгаа тухай мэдээллээ. Тэднийг Туркийн иргэн Вейсел Акчайг хүч хэрэглэн хулгайлсан хэрэгт сэжиглэн шалгаж байгаа аж.