УБТЗ-н төв эмнэлэгтэй олон жилийн харилцаатай БНСУ-ын Вонгуаны их сургуулийн сайн үйлсийн аяныхан гурав дахь удаагаа манай улсад хүрэлцэн ирлээ. Тус багийнхан уламжлалт эмчилгээ, нүд, шүд, дотор, эмэгтэйчүүд , урологи зэрэг нарийн мэргэжлийн чиглэлээр үнэ төлбөргүй эмнэлгийн тусламж , үйлчилгээг дөрвөн өдрийн турш үзүүлэхээр 100 хүний бүрэлдэхүүнтэй иржээ. Тэд энэ сарын 29 хүртэл 09.00-17.00 хооронд иргэдэд үнэ төлбөргүй тусламж үйлчилгээ үзүүлэх аж. Өмнөх хоёр жилд нийт 10 мянга орчим хүнд үйлчилсэн байна. Солонгосын сайн үйлсийнхэн УБТЗ-ын төв эмнэлэг, Вонгуаны их сургуулийн хооронд байгуулсан санамж бичгийн дагуу Вонгуаны их сургуулийн боловсролын сангийн 100 хувийн хөрөнгө оруулалтаар дурангийн мэс заслын тасгийг нээх юм байна.