Улаанбаатар хотын 27 эмнэлэг, орон нутгийн 12 аймгийн бүх ажилчид ажил хаялтанд нэгдлээ
Эрүүл мэндийн салбарын сувилагч, ажилтнууд Төр засагт хандан цалин хөлсөө нэмэгдүүлэхээр тасралтгүй тэмцэж, санал, шаардлага, мэдэгдэл өгч, жагсаал, цуглаан, ажил хаялтын өмнөх суулт хийсэн ч өнөөдрийг хүртэл бодит үр дүнд хүрээгүй байгаа учраас тэд хугацаагүй ажил хаялт зарлахаа мэдэгдээд байна.
“Хөдөлмөрийн мөлжлөгийг халж, шударга үнэмлэмж тогтоохыг шаардсан” эрүүл мэндийн салбарын эмч, сувилагч, ажилтнууд тэмцэл хөдөлгөөнийг үр дүнд хүргэхийн тулд салбарын ҮЭ-ийн холбооны гишүүн байгууллагуудын дэргэд байгуулагдсан Ажил хаялт зохион байгуулах Түр хороодоос 06 дугаар сарын 26-ны 14.00 цагийн байдлаар Улаанбаатар хотын 27 эмнэлэг, орон нутгийн 12 аймгийн бүх ажилчид хурлаа хийж, хугацаагүй ажил хаялтанд нэгдэхээ мэдэгдсэн байна. Өнөөдрийн байдлаар УНТЭ, Хүрээ амаржих газар, НЯТТ, ЗӨСҮТ, БЗДЭМТ-үүд ажил хаялтанд нэгдсэн байна.
Ажил хаялт ирэх долоо хоногоос эхлэх учир бүх шатны эмнэлгийн амбулатор, хэвтэн эмчлүүлэх болон өрх, сумын эмнэлгүүдээр үйлчлүүлэх боломжгүй болох ажээ.
Энэхүү ажил хаялтанд нэгдэх эмнэлгүүд цаашид ч нэмэгдэх хандлагатай байна.
Эх сурвалж: ГЭРЭЛ ЗУРГИЙГ MPA.MN
|